دعاء فاروق تدافع عن خادمتها
دعاء فاروق تدافع عن خادمتها دافعت الإعلامية دعاء فاروق من زوج العاملة التى تعمل لديها ، وتطلب بسرعة القبض عليه بعد تعديه على الخادمة وتهديدها!
وأعلنت دعاء فاروق، إنها ستقدم بلاغً ضد شخص اعتدى على زوجته وأبنائه.
كتبت دعاء فاروق عبر حسابها بموقع ” فيس بوك Facebook: “لحد امتي الستات هتفضل تتهان وتتمرمط ومحدش يعرف يجيب لها حقها … رباب الست المحترمة اللي بتشتغل عندى بقالها ١٣ سنة ربت لي عيالي وصانت اكل عيشها معايا وحافظت علي بيتي بمنتهي الأمانة اشهد لها بالنضافة والأمانة والأدب والاخلاص والأخلاق، شقيانة طول عمرها عشان تربي بنتها وابنها أحسن تربية ومتجوزة بلطجي شمام بيضرب حشيش بفلوس شقاها وشغلها عندي”.
دعاء فاروق تستغيث من زوج خادمتها
وأضافت قائلة: أنا هنزل اعمل فيه بلاغ حالا لانه بيهددها بأنه يرمي في وشها ماية نار الضلالي اللي سرق عفشها كله ونقله علي بيت امه، وسرق جهاز بنتها العروسة اللي غصب عني مضطرة اقول ان انا اللي بجهزها من عندى من المعارض سرق كل ده وطردهم من شقتهم اللي انا اسفة اني مضطرة اقول اني بدفع لها إيجارها وتأمينها وبيهدد الست صاحبة البيت انه عاوز التأمين وإلا هيفك موتور الماية وهياخده بلطجة كده.
وتابعت: الست بتجيلي يوماتي جسمها ازرق من كتر الضرب اللي في جسمها وبيكتم بقها وبيعذبها حرفيا، بياخد فلوسها يشرب بيها حشيش ويضربها ياما قلت لها اطلقي وامشي اطلقي وسيبيله كل حاجة وامشي تقوللي اخاف ياخد مني عيالي، دلوقتي رباب في غيبوبة سكر وعيالها كلموني بيستنجدوا بيا ومنهارين علي امهم الشقيانه ومش طايقين ابوهم اللي راح يسحب ورق الولد من المدرسة مش عاوزه يتعلم وبيهددهم انه هيحرق قلبهم علي امهم.
دعاء فاروق تدافع عن خادمتها
وأنهت كاتبة: طيب يا راجل يا ضلالي ياللي سرقت عفش وجهاز بنتك اللي مراتك جايباه من شقاها انا هعمل بلاغ رسمي للجهات الرسمية فيك وهنزل حالا اجيب حق رباب بالقانون قبل ما تتقتل فطيس … هلحق الجريمة قبل ما تحصل وبالمرة هروح اعمل محضر عدم تعرض لانه اكتر من مرة يهددها انه هيضايقني… طيب يا بلطجي عصرك واوانك انا ببعت استغاثة للجهات الأمنية عشان انقذ الست الغلبانة وعيالك الغلابة اللي بيكلموني مفطورين من العياط من بطشك وظلمك وقلة أدبك.
يذكر أن الإعلامية دعاء فاروق منذ بضع شهور قد إستغاثبت من قبل بسبب مرض زوجها حيث أنها
كتبت على صفحتها بالفيس بوك وقالت: “طيب مضطرة لأول مرة استغيث، جوزي بينزف نزيف شديد وأنا في طوارئ مستشفى زايد التخصصي حد يلحقني”.
حيث ثبت أن زوجها يعانى من سرطان القاولون ومن أخطر الأمراض التى تهدد حياة الإنسان وتسبب الوفاة لذا يجب اتخاذ الإجراءات الوقائية لتجنب الإصابة به
